बुटवल । रुपन्देहीको ओमसतियामा गोली प्रहारबाट एक युवक गम्भीर घाइते भएका छन् । अज्ञात समूहले चलाएको गोली लागेर सिद्धार्थनगर नगरपालिका–१, बेलहिया बस्ने विकास गुरुङ घाइते भएको प्रहरीले जनाएको छ ।
ओमसतिया गाउँपालिका–४, वसन्तपुरमा अज्ञात समूहले गुरुङमाथि गोली प्रहार गरेको थियो । रुपन्देहीकै रोहिणी गाउँपालिका–१, बाइपासस्थित सिद्धर्थ कटेजमा गए राति करिब ११ बजे उक्त समूह लुटपाट गरी भाग्दै थियो । त्यही बेला ओमसतियाको वसन्तपुर वडा कार्यालयअगाडि जम्का भेट भएका गुरुङमाथि लुटपाट गर्ने समूहले गोली प्रहार गरेको गुरुङनिकट स्रोतले जनाएको छ ।
ADVERTISEMENT
लुटेराहरूले सो कटेजबाट दुई तोला सुन र केही नगद लुटेको बताइएको छ । घाइतेलाई उपचारका लागि भैरहवा मेडिकल कलेजमा पठाइएको प्रहरीले जनाएको छ । गोली प्रहार गर्ने समूहको खोजीमा प्रहरी परिचालन गरिएको प्रहरीले जनाएको छ ।
ADVERTISEMENT
ADVERTISEMENT
