लहान ।आज ११४ औं अन्तर्राष्ट्रिय श्रमिक महिला दिवस को अवसरमा सिरहा नगरपालिकाको आयोजना र , जिला प्रहरी कार्यालय , महिला बालबालिका तथा ज्येष्ठ नागरिक शाखा सिरहा , मुक्ति नेपाल ,ओरेक , महिला मानव अधिकार रक्षक सञ्जाल ,इन्सेक ,दलित जनकल्याण युवा क्लब , UNOPS लगायत दर्जनौ संस्था हरुको समन्व्य र सहकार्यमा आयोजना गरी , विभिन्न क्षेत्रका श्रमिक महिलाको पहिचान गरी ५ जना श्रमिक महिला जो कुनै न कुनै व्यबसाय गरी समाजमा स्थापित हुन सफल भएकी छन् उनलाई सम्मान गरी मनाएको छ । सम्मानित हुनेमा लाह चुरा बनाउने व्यवसायी सिरहा नगरपालिका १२ सारस्वर की निर्मला ठाकुर र सिरहा न.पा. ८ सारस्वर की जगतरैन दास, चना – चटपटे व्यबसायी सिरहा न.पा.१० नरहिया की जुरनी देवी मुखिया ,चिया – नास्ता व्यबसायी सिरहा न.पा.१ की पिंकी साह र सिलाई कटाई व्यबसायी सिरहा न.पा.११ भलुआहि की समुन्द्री दास सम्मानित हुनु भएको छ।
त्यस्तै गोलबजार नगरपालिका मा गोलबजार नगरपालिकाको आयोजना र मुक्ति नेपाल लगायत केही संस्थाको समन्व्य र सहकार्य मा रैली र अन्तरक्रिया कार्यक्रम सम्पन्न भएको छ।
मुक्ति नेपाल कि अध्यक्ष देव कुमारी महराले , यो दिवस किन र कसरी मनाउन सुरु भयो विषयमा प्रकाश पार्दै , अहिले को महिला को अवस्था बारे भन्दै, घरेलु श्रमिक महिला को काम र उनीहरू संग गरिने व्यबहार जो की बिहान देखि बेलका सुत्नु अगाडि सम्म गरेको काम को कुनै मूल्यांकन न भएको र प्रायः महिला श्रमिक हरुलाई समान काम को समान ज्याला न रहेको र घर घरमा गई झारु – वर्तन गर्ने महिला जो बिरामी हुँदा पनि बिदा पाउँदैन बिदा बस्यो भने त्यसको ज्याला काटिन्छ रगाली खानु पर्ने अवस्था छ , दिने ज्याला पनि महिना को हजार देखि दुई हजार मात्र हुने जस्ता समस्या भोग्दै आएको छ । श्रमिक महिला लाई ट्रेड युनियन संग जोरेर कसरी सामाजिक सुरक्षा कोष संग जोर्न सकिन्छ , त्यस तर्फ स्थानिय सरकारले आफ्नो नीति बनाई गरी को योजना बनाउनु अहिले को आवश्यकता रहेको बताउनु भयो l
सिरहा का प्रमुख जिलाधिकारी वासुदेव दहालले हाम्रो संविधानमा तोकिएको महिला सम्बन्धि हक अधिकार सुनिश्चित गर्न भएको प्रावधानको कार्यान्वयन हुनु आवश्यक छ भन्नु भयो ।
गोलबजार नगरपालिकाको अन्तरक्रिया कार्यक्रममा “उत्तिमलाल मेमोरियल हस्पिटल ” की सञ्चालक डा. शुशिला सिंह ले महिला को सवाललाई हेर्दै उनको क्लिनिकमा प्रतेक बुधबार नि: शुल्क जाँच गर्ने र गर्भवती महिला को जाँच र प्रसव नि: शुल्क गरिने घोषणा गर्नु भयो । त्यतै गोलबजार नगरपालिका प्रतिनिधि महिला सम्बन्धि समस्या समाधान का लागि महिला को क्षेत्रमा काम गर्ने संघ संस्था हरुलाई टेस्ट समस्या पहिचान गरी आगामी योजनामा के कस्ता कार्यक्रम वा नीति समावेश गर्नु पर्छ भनी सलाह सुझाव को अपेक्षा राखिएको थियो भने , इलाका प्रशासन कार्यालय गोलबजार का प्रमुख सुनिल कार्कीले समुदायमा भएको घटना को सूचना बढी महिला दिदी बहिनी संग भएकोले हामीलाई नलुकाई खबर गर्नु हामी न्याय दिन २४ सौ घण्टा तयार रहेको र कुनै समस्या भएमा हामी हरपल तपाईंको साथ छौ भनी वाचा गर्नु भो । त्यस्तै गोलबजारमा निमित्त प्रमुख सुबोध कुमार लामा ले समानताको लागि प्रतेक घर बाटै सुरुआत गरी ११५ औं महिला दिवस सम्म यस्ता विभेद हटाउने तिर हामी सबै मिलेर लाग्नु पर्ने बताउनु भयो ।
अहिले पनि अनौपचारिक क्षेत्रमा काम गर्ने महिलाहरु कहि कतै बाट सूचीकृत भएको देखिँदैन ।
