हुम्लाका विद्यालयमा निर्धक्क भएर सेनिटरी प्याडको प्रयोग

हुुम्ला, साउन ५ । महिनावारी भएका बेला विद्यालय नै नआउने छात्राहरु हिजो आज निर्धक्कका साथ विद्यालयमै प्याड प्रयोग गर्न थालेकी छन् । विद्यालयको एउटा सुरक्षित स्थानमा सेनिटरी प्याड निकाल्ने भेण्डर मेशिन जडान गरिएपछि छात्राले प्याड प्रयोग गर्न थालेका हुन् । खार्पुनाथ गाउँपालिका–५ को मान्धारा माध्यामिक विद्यालयमा कक्षा १० मा अध्ययनरत छात्रा बिनीता परियारले मेशिन जडान गरे लगत्तै एउटा प्याड झिकेर प्रयोग गर्नुभयो ।

यसअघि प्याड नहुुँदा कपडा प्रयोग गर्ने परियारले मेशिन जडान पछि प्याड प्रयोग गर्न सहज भएको बताउनुुभयो । उहाँले आफुु जस्तै महिनावारी हुने छात्राहरु निर्धक्कका साथ आवश्यक परेको बेला सेनिटरी प्याड स्मार्ट कार्ड मेशिनमा इन्स्टल गरेर झिक्न पहिले जस्तो लाज मान्न छोडेको बताउनुुभयो । एक दिन अगाडी उक्त मेशिन जडान गरिएको विद्यालयका प्रधानाध्यापक दिलबहादुुर शाहीले बताउनुुभयो । उहाँले मेशिन जडानपछि विद्यालयमा महिनावारी हुने उमेरका छात्रा र शिक्षक गरि साठी जना रहेको र उहाँहरु सबैलाई सहज भएको बताउनुुभयो ।

नयाँ जडान गरिएको मेशिनमा एक पटकका लागि साठी वटा प्याड प्रयोग गर्न सकिन्छ । उहाँले यसबाट अब विद्यालयमा छात्रालाई सहज हुनुुका साथै उपस्थिती पनि बढ्ने बिस्वास ब्यक्त गर्नुभयो । यसअघि उक्त विद्यालयमा केही छात्राहरु महिनावारी भएको बेला घरबाट नआउने र विद्यालयमा अध्ययन गरि रहेका बेला महिनावारी भए विद्यालय छोडेर जाने समस्या थियो ।

मेशिन जडान भएपछि छात्राहरुलाई निक्कका साथ प्रयोग गर्न विद्यालयले सहजिकरण समेत गरेको थियो । मेशिन युरोपियन युुनियन लगाएत सहयोगी निकायको आर्थिक सहयोगमा ग्रामीण जलश्रोत ब्यवस्थापन परियोजनाले जडान गरेको हो । भेण्डर मेशिनबाट निर्धक्क साथ सेनिटरी प्याड झिक्दै छात्रा परियार । तस्बिर: राजन रावत