लहान असार – सिरहाको लहान ६ स्थित २०७२ सालमा संचालनमा आएको शैक्षिक संस्था हिमालयन बिधा निकेतनले पहिलो ब्याचमा उत्कृष्ट अंक ल्याएर उतिर्ण भएका दर्जनौं विद्यार्थीलाई सम्मान गरेका छन्।
एक औपचारिक कार्यक्रमको आयोजना गरी उतिर्ण विद्यार्थीलाई सम्मान गरेका शेयर सदस्य पशुपति भट्टले जानकारी दिनु भयो। स्कुलका शेयर सदस्यका प्रमुख निरज चौधरीको अध्यक्षतामा सुरु भएको कार्यक्रममा प्रीन्सिपल अमृत लाल चौधरी रहनु भएको थियो।
सम्मान समारोहमा उतिर्ण विद्यार्थी र अभिभावकहरुको उल्लेखनीय उपस्थिति रहेको शेयर सदस्य सुभ नारायण यादवले जनाए। विद्यार्थीलाई हौसला उच्च मनोबलका लागी SEE पछी को शैक्षिक यात्रा सफलताको सुभ कामना उपस्थित सम्पुर्ण अतिथिहरुले दिएका थिए।नयाँ शैक्षिक शत्रबाट हिमालयन निकेतनले कक्षा ११ र १२ को बाणिज्यको कक्षा संचालनमा ल्याउने भएका छन। ८ जना शेयर सदस्य रहेको उक्त बिधालयमा करिब ८ सय विद्यार्थी अध्यनरत रहेका छन्। उक्त स्कुलबाट ३० जना मध्ये २२ जना मा १४ जना A पलस र ८ जना A ल्याएर उतिर्ण भएको आयोजकले जानकारी दिनु भयो।
