जनकपुरधाम।जनकपुरधामस्थित ऐतिहासिक रंगभूमि मैदानमा विवाह पञ्चमी महोत्सव अन्तर्गत जयमाला कार्यक्रम उल्लासपूर्ण रूपमा सम्पन्न भएको छ। भगवान राम र सीताको जयमाला आदानप्रदानको ऐतिहासिक प्रस्तुति जनकपुरमा प्राचीन मिथिला संस्कृति झल्काउँदै मनाइएको हो।
नेपाल र भारतका लाखौँ श्रद्धालुहरूको सहभागितामा सम्पन्न यस कार्यक्रममा मिथिला क्षेत्रका भजन, कीर्तन, सांस्कृतिक झाँकी, र रामायणका कथाहरूको जीवन्त अभिनय प्रस्तुत गरियो।
जनकपुरको जानकी मन्दिरका महन्त राम रोशन दास वैष्णवलगायत धार्मिक अगुवाहरूको उपस्थिति रहेको कार्यक्रममा सुरक्षा निकायले कडा सुरक्षा व्यवस्था मिलाएको थियो।
पाँच दिनसम्म चल्ने विवाह पञ्चमी महोत्सव अन्तर्गत राम-सीताको विवाह समारोह पुस ९ गते सम्पन्न हुनेछ। आयोजकले यस्ता कार्यक्रमहरूले जनकपुरलाई धार्मिक पर्यटनको केन्द्र बनाउन मद्दत गरेको बताएका छन्।
