प्रदिप सिंह लहान ५ भदौ ।
सिरहाको नवराजपुर गाउँपालिका–१ गेरुवाहास्थित दास बस्तीमा समाजसेवी तथा नेपाली कांग्रेसका नेता जयकिशोर यादवले करिब ६० दलित तथा विपन्न घरपरिवारलाई झुल वितरण गरेका छन्।
गर्मी मौसममा लामखुट्टेको प्रकोप बढ्ने र विभिन्न रोगको जोखिमसमेत हुने भएकाले त्यसबाट बच्न सहयोग पुगोस् भन्ने उद्देश्यले झुल वितरण गरिएको हो।
यादवले पछिल्लो समय नवराजपुर गाउँपालिकाका विभिन्न बस्तीमा पुगेर झुल वितरण अभियानलाई निरन्तरता दिँदै आएका छन्। अभियानअन्तर्गत हालसम्म १ हजार ३ सयभन्दा बढी झुल वितरण गरिसकेको बताइएको छ।
ADVERTISEMENT
झुल पाएपछि स्थानीयहरूले खुसी व्यक्त गर्दै यादवको सामाजिक अभियानको प्रशंसा गरेका छन्। बस्ती–बस्तीमा पुगेर स्थानीयसँग प्रत्यक्ष भेटघाट गर्दै सहयोग गरेको भन्दै स्थानीयहरूले यादवप्रति धन्यवादसमेत व्यक्त गरेका छन्।
ADVERTISEMENT
ADVERTISEMENT
