मधेस प्रदेश १८ चैत । विभिन्न माग राखी चार दिनदेखि आन्दोलनमा रहेका बारा कोलवी नगरपालिकाका साझा जागरण अभियानकर्मी तथा सर्वसाधारण जनतालाई अन्तिम दिनमा गएर राजेश विद्रोहीले सम्बोधन गरेका छन् ।
गणतन्त्र दिवसको अवसरमा जेठ १५ गतेदेखि जागरण अभियानले स्थानीय जनतामा रहेको भूमिहीन, सुकुम्बासी, अव्यवस्थित बसोवासी समस्या, भूमाफियाले ओगटेको सार्वजनिक जग्गा, जग्गा हदबन्दी कार्यान्वयनको समस्या, हलमा बढ्दै गएको बैंक, लघुवित, सहकारी तथा मिटरव्याजी समस्या, राज्यमा मौलाउँदै गएको बेथिति र भ्रष्टाचार लगायतको समस्यालाई आजको गणतन्त्रमा समाधान गर्न राज्यलाई दबाब दिने उदेश्यले चार दिनदेखि कोलवी बजारमा हजारौंको संख्यामा सर्वसाधारण नागरिकहरुले आन्दोलन गर्दै आएका थिए ।
निरन्तर आन्दोलनको दोस्रो दिन हजारौंको संख्यामा रहेका अभियानकर्मि तथा आन्दोलनकारीहरुमाथि प्रहरीले लाठीचार्ज पनि गरेका थिए । प्रहरीको लाठीचार्जबाट केही आन्दोलनकारीहरु घाइते समेत भएका थिए । घाइतेपछि आन्दोलनकारीहरुले प्रहरीको विरुद्धमा समेत नारावाजी गरेका थिए । त्यहाँका स्थानीय सरकार, प्रशासन र बनडिभिजन मिलेर पुस्तौंदेखि बसोबास गर्दै आएको सर्वसाधारण नागरिकलाई अदालतबाट एस्टीअडरको नोटिस जारी गरी डोजर लगाएर उठिबास लगाउने, सरकारले पटकपटक लालपुर्जाको दिन्छु भनेर लाखौं असुली गरेको तर लालपुर्जा दिनुको साटो डोजर लिएर उठिबास गराउन आउने, भूमाफियाहरुसँग मिलेर सार्वजनिक जग्गाहरु विजनेश कम्प्लेक्सको रुपमा लालपुर्जा दिने, मिटरव्याजी, लघुवित तथा बैंक सहकारीहरुले बचत फिर्ता नगर्ने तर किस्ता तिर्न दबाब दिदै आएको भनेर पीडितहरुले चार दिनदेखि चर्को गर्मीलाई बेवास्ता गर्दै कोलवी बजारको सडकमै खाने, बस्ने र आन्दोलन गर्दै आएका थिए ।
दलाल तथा माफियाहरुको कब्जामा रहेका तीनै तहको सरकार र प्रहरी प्रशासनलाई सर्वसाधारण नागरिकको पक्षमा काम गर्न र भूमाफिया दलालहरुलाई पक्राउगरी कार्वाहीको माग पनि गरेका थिए । शुक्रबार आयोजित जागरण सभाका अध्यक्षता जागरण अभियानका चार जिल्लाका संयोजक रहेका प्रकाश चौधरीले गरेका थिए ।
साझा जागरण अभियानका केन्द्रीय अध्यक्ष तथा कार्यक्रमको प्रमुख अतिथि समेत रहेका राजेश विद्रोहीले ´यो तमाम खालको समस्या राज्यले जन्माएको र यो समस्या राज्यको रहेकाले राज्यले नै जिम्मेवारी लिनुपर्ने बताएका थिए ।` कार्यक्रमको संचालन शिकिन्द्र कुशवाहाले गरेका थिए भने अतिथिहरुमा प्रेम चौधरी, कंचन पासवान, प्रमिला चौधरीहरु लगायतकाहरुको उपस्थित रहेका थिए । उनीहरूले पनि आफ्नो धारणा राखेका थिए । कार्यक्रममा विभिन्न सांस्कृतिक साहित्य, नृत्य तथा नाटक कार्यक्रमहरुको पनि प्रस्तुति भएको थियो ।
