काठमाडौँ। सहकारी ठगी प्रकरणमा अनुसन्धानका क्रममा सभापति रवि लामिछाने पक्राउ परेपछि रास्वपाले आन्दोलनलाई काठमाडौँमा समेत विस्तार गर्ने भएको छ।
गत सात दिनदेखि पोखरामा प्रदर्शन गर्दै आएको रास्वपाले आज काठमाडौँको माइतीघर मण्डलामा दिउँसो १ बजे विरोध कार्यक्रमको आयोजना गरेको छ। रास्वपा प्रदेश सभापति राजन गौतमका अनुसार, लामिछानेमाथि अनुसन्धान चलिरहँदा पार्टीले राजधानीमा समर्थन जुटाउन यो कदम चालेको हो।
पोखरामा रास्वपाले विरोध प्रदर्शन गरेको भए पनि जनस्तरबाट पर्याप्त समर्थन नपाएको टिप्पणी भइरहेको छ। रास्वपाका नेताहरूले लामिछानेको पक्राउ पूर्वाग्रही ढंगले गरिएको आरोप लगाउँदै, यसलाई न्यायिक प्रक्रिया विरुद्धको कदमको रूपमा लिएका छन्।
अध्यक्ष लामिछानेको पक्राउले रास्वपाभित्र आक्रोशको माहोल सिर्जना गरेको छ भने पार्टीका कार्यकर्ताहरूले राजधानीमा प्रदर्शनमार्फत् व्यापक जनसमर्थन खोज्ने प्रयास गरिरहेका छन्।
