सुनसरी।सुनसरीको झुम्कास्थित कारागारबाट भागेका विनायककुमार यादवलाई ९ वर्षपछि पुनः पक्राउ गरिएको छ। उनी छठ मनाउने क्रममा कोशी गाउँपालिका स्थित पथरचट्टानबाट बिहीबार राति पक्राउ परेका हुन्।
प्रहरीका अनुसार, यादव २०६९ कार्तिक २३ गते पहिलो पटक झुम्का कारागारबाट सुरुङ खनेर भागेका थिए। उनलाई केही समयपछि सप्तरी प्रहरीले पक्राउ गरेको थियो। त्यसपछि सिन्धुपाल्चोक कारागारमा राखिएका यादव २०७२ साल वैशाख १ गते पुनः फरार भएका थिए।
ADVERTISEMENT
यसपटक छठका भीडमा भाग्न खोज्दा प्रहरीले एक राउण्ड गोली चलाएर उनलाई नियन्त्रणमा लिएको छ, यद्यपि उनलाई गोली लागेका छैन।
ADVERTISEMENT
ADVERTISEMENT
