लहान १६ माघ :सिरहाको धनगढी माई नगरपालिका–१० स्थित रहेको इन्द्रेणी पाठशालाले आज सहिद दिवसको अवसरमा विभिन्न कार्यक्रम गरी भव्य रूपमा मनाएको छ। विद्यालयका प्रधानाध्यापक मुक्तिलाल सहनीका अनुसार सहिदहरूको बलिदानलाई सम्मान गर्दै विद्यालयका सम्पूर्ण शिक्षक, विद्यार्थी तथा कर्मचारीहरूले श्रद्धाञ्जली अर्पण गरेका थिए।
कार्यक्रमको दौरान विद्यालय परिवारका सदस्यहरूले सहिदहरूलाई माला अर्पण गरी मौनधारण गरेका थिए। विज्ञान शिक्षक मुकेश कुमार शाहले सहिदहरूको योगदानलाई मनन गर्दै विद्यालयले विशेष श्रद्धाञ्जली कार्यक्रम आयोजना गरेको जानकारी दिए।
ADVERTISEMENT
सहिद दिवसको अवसरमा विद्यालयमा इन्टर हाउस एण्ड गेम स्पोर्ट प्रतियोगिता आयोजना गरिएको थियो, जसमा विद्यार्थीहरूले उत्साहपूर्वक सहभागिता जनाएका थिए।
ADVERTISEMENT
ADVERTISEMENT
