सिरहा— ट्राफिक प्रहरीले मिर्चैयाको कटारी चोकमा बढी भार बोक्ने झन्डै २ सय टिपरलाई कारबाही गरेको छ। ओभरलोडका कारण सडक सुरक्षा र नियम उल्लङ्घन भएको भन्दै ट्राफिक प्रहरीले कारबाही तीव्र बनाएको हो।
ADVERTISEMENT
जिल्ला ट्राफिक प्रहरी कार्यालय, लहानका प्रमुख पोषणराज थपलियाका अनुसार, उदयपुर र सिन्धुलीबाट चुनढुंगा ढुवानी गर्ने करिब १,००० टिपरमध्ये धेरैजसो लोड क्षमताभन्दा बढी भार बोकेर चल्ने गरेका छन्। यी टिपरहरू सिरहाको मारुती सिमेन्ट उद्योग, सौर्य सिमेन्ट उद्योग र धनुषाको कसमस सिमेन्ट उद्योगका लागि दैनिक रूपमा ढुवानी गरिरहेका छन्।
ओभरलोडका कारण सडक बिग्रने, दुर्घटनाको जोखिम बढ्ने तथा ट्राफिक नियम उल्लङ्घन हुने भएकाले प्रहरीले नियमित अनुगमन गर्दै आएको छ। सोमबारको कारबाहीले ओभरलोड नियन्त्रणमा केही हदसम्म सुधार ल्याउने ट्राफिक प्रहरीको अपेक्षा छ।
ADVERTISEMENT
ADVERTISEMENT
