जसपाले भौतिक पूर्वाधार, वन र कृषि मन्त्रीलाई फिर्ता बोलाएको हो।
भौतिक पूर्वाधार मन्त्री रेनु यादव, वनमन्त्री रामसहाय यादव र कृषि मन्त्री महिन्द्र राय यादवलाई जसपाले फिर्ता बोलाएको हो।
साथै यी ठाउँमा पार्टीबाट नयाँ मन्त्री सिफारिस भएका छन्।
जसपाका अध्यक्ष उपेन्द्र यादवले प्रधानमन्त्री शेरबहादुर देउवालाई आइतबार बेलुकी बालुवाटारमा भेटेर पार्टीबाट सिफारिस भएका नयाँ मन्त्रीको नाम बुझाएका छन्।
जसअनुसार जसपाबाट भौतिक पूर्वाधार मन्त्रीमा मोहम्मद इस्तियाक राई, प्रदीप यादवलाई वन र मृगेन्द्रकुमार सिंह यादवलाई कृषि मन्त्रीमा सिफारिस भएको छ।
जसपाले अहिले सरकारमा रहेका संघीय मामिला मन्त्री राजेन्द्र श्रेष्ठलाई भने निरन्तरता दिएको छ।
‘जसपाले तीन मन्त्री फिर्ता बोलाई नयाँ मन्त्री सिफारिस गरेको छ। योसम्बन्धी पत्र अध्यक्ष यादवले प्रधानमन्त्रीलाई बुझाउनुभएको छ। सम्भवत आजै मन्त्री नियुक्ति भई सपथ हुन्छ,’ प्रधानमन्त्री देउवाको सचिवालय स्रोतले भन्यो।
सेताेपाटी बाट
