भैरहवा । गौतमबुद्ध अन्तर्राष्ट्रिय विमानस्थलमा पर्किङका लागि भियतनामबाट चार्टर फलाइट आएको छ । व्यापारिक प्रयोजनका लागि केही यात्रु मात्रै बोकेर नेपाल आएको विमान काठमाण्डौ हुदै भैरहवा आएको हो ।त्रिभुवन अन्तराष्ट्रिय विमानस्थलमा ठाँउ नभएकोले पार्किङको लागि उक्त प्राइभेट विमान दिउसो सवा १ बजे भैरहवा विमानस्थलमा अवतरण गरेको छ ।
यो विमान अबको ५ दिन यही रहने छ । ब्यापारिक प्रयोजनका लागि विजनेश मेनलाई लिएर आएको विमानले यात्रुहरुलाई काठमाण्डौमै अवतरण गराएर भैरहवा आएको गौतमबुद्ध विमानस्थलका महाप्रबन्धक गोविन्द दाहालले जानकारी दिए । भैरहवाबाट यो विमान १ अगस्टमा काठमाण्डौ जाने छ, काठमाडौँ हुँदै पुनः भियतनाम फर्कने विमानको उडानतालिका रहेको छ ।
विमानमा २ सेट प्राविधिक रहेका छन । एच ए आई ४९९ कलसाइनको विमान हो । यसअघि भैरहवा अन्तर्राष्ट्रिय विमानस्थलबाट व्यावसायिक उडानमात्रै हुँदै आएका थिए । वैशाख २८ गते पहिलो चार्टर विमान भारतबाट सेनाको जहाज सुरक्षाकर्मी (स्पेसल प्रोटेक्सन गार्ड) लिएर भारतीय वायुसेनाको विमानबाट आएको थियो ।
जेठ २ गतेदेखि व्यावसायिक सञ्चालनमा आएको विमानस्थलमा जजिरा एयरवेजले सातााको ३ उडान गर्दै आएपनि अन्य उडान भने हुन सकेको छैन । अन्य एयर कम्पनिहरुले चासो देखाएपनि उडान भने सुरु गर्न सकेका छैनन ।
