नवलपरासी । सरावल गाउँपालिकामा नवआगन्तुक प्रमुख प्रशासकीय अधिकृतकाे रुपमा आउनु भएका दुर्गा पाैडेललाई पालिका प्रमुख, जनप्रतिनिधि लगायत पालिकाका कर्मचारीले स्वागत गरिएको छ।
सरुवा भएर सरावल गाउँपालिकामा आउनुभएका अधिकृत पाैडेललाई जनप्रतिनिधि तथा कार्यालयका कर्मचारीको उपस्थितिमा स्वागत गरिएको हाे। गाउँपालिकाका अध्यक्ष सुखाडी प्रसाद चाैधरीले टिका र फूल मालाबाट स्वागत गरेका थिए ।
स्वागत कार्यक्रममा उपाध्यक्ष बासमति हरिजन, कर्मचारी एवं समाजसेवीहरुको उपस्थितमा खादा लगाई नवआगन्तुक कार्यकारी अधिकृतलाई स्वागत सम्मान गरेका थिए । स्वागत कार्यक्रममा गाउँपालिकाका अध्यक्ष चाैधरीले सबै मिलेर सरावलको चौतर्फी विकासको गति बढाउनु पर्ने अबको यात्रा रहेको बताए ।
सराव गाउँपालिकाको विकासको लागि कार्यकारी अधिकृतको अनुभवलाई निर्वाचित जनप्रतिनिधिहरुले भरपुर आत्मासाथ गर्दै अधिकृतको अनुभवलाई प्रयोग गर्नुपर्ने ब्यक्त गरे । त्यस्तै कार्यकारी अधिकृत पाैडेलले स्थानीयको सहयोग र समन्वयमा सरावल गाउँपालिकालाई नमूना गाउँपालिका बनाउन आफु प्रतिबद्ध रहेको बताउनुभयो ।
