धनगढीमा मोटरसाइकल दुर्घटना हुँदा एकको मृत्यु, एक घाइते
धनगढी, साउन २५ । धनगढी उपमहानगरपालिका – ३ चटकपुरस्थित अस्थायी प्रहरी पोष्ट नजिकै मोटरसाइकल दुर्घटना हुँदा एक जनाको मृत्यु भएको छ । मंगलबार राति से २ प ५२८२ नम्बरको मोटरसाइकल दुर्घटना हुँदा मोटरसाइकलमा सवार डोटीको जोरायल गाउँपालिका–१ का २८ वर्षीय चित्र मडैको मृत्यु भएको हो ।
ADVERTISEMENT
गम्भीर घाइते भएका मडैलाई उपचारका लागि माया मेट्रो अस्पताल लगिएकोमा अस्पतालले उनलाई मृत घोषणा गरेको प्रदेश ट्राफिक प्रहरी कार्यालय अत्तरियाले जनाएको छ । दुर्घटनामा चालक जोरायल–१ कै २१ वर्षीय सन्तोष मल्ल घाइते भएका र उनको पनि सोही अस्पतालमा उपचार भइरहेको प्रहरीले जनाएको छ ।
ADVERTISEMENT
ADVERTISEMENT
मोटरसाइकल आफै अनियन्त्रित भई दुर्घटना भएको प्रहरीको भनाइ छ ।
