पुष्कर खड्का/रामेछाप । रामेछापको ठोसेमा अविरल बर्षासँगै आएको बाढी पहिरोले पाँच वटा घर बगाएको छ ।
जिल्लाको गोकुलगंगा गाउँपालिका–२ ठोसेमा बिहिवार साँझ ठोसेको एकामफेदी बाहुनटोल स्थित रहेको नासिङ खोल्सामा माथिबाट पहिरोसँग आएको बाढीको कारण
ठोसेमा पाँच वटा घर बगाएको जिल्ला प्रहरी कार्यालय रामेछापलका डिएसपी राजकुमार थिङले जानकारी दिनु भयो ।
उहाँको जानकारी अनुसार ठोसे एकामफेदी बाहुन टोलका सन्तोष सन्तोष रोक्काको भुकम्पपछि निर्माण ईटाको गारो भएको २ तले घर बगाएको छ भने ज्ञान बहादुर रोक्काको भुकम्पपछि निर्माण ईटाको गारो भएको २ तले घर, बगाई पूर्ण क्षति भएको छ ।
त्यस्तै रमेश रोक्काको भुकम्पपछि निर्माण ईटाको गारो भएको २ तले घर बगाएको छ भने हरि बहादुर खत्री र धनलल्क्षमी गुरागाईको ढुङ्गा माटोले बनेको एकपाखे भान्सा घर भत्किएको र धनलक्ष्मी गुरागाईको ३ वटा बाख्रा समेत घर भत्किदा पुरेर मरेपनि मानविय क्षति भने नभएको र क्षतिको विवरण आउन बाँकी रहेको डिएसपी थिङले बताउनु भयो ।
