प्रदिप सिंह
लहान २६ भदौ ।लोटस युनिक एकेडेमीले अन्तर्राष्ट्रिय बाल दिवस २०८३ भव्य तथा उत्साहपूर्ण वातावरणमा मनाएको छ। कार्यक्रममा विद्यार्थीहरूको उत्साहजनक सहभागिताले विद्यालय परिसरमा बाल दिवसको रौनक थपिएको थियो।
कार्यक्रमका प्रमुख अतिथि नेपाल सरकारका अवकाशप्राप्त शिक्षक जयप्रसाद यादवले पानसमा बत्ती बालेर कार्यक्रमको उद्घाटन गर्नुभएको थियो। विद्यालयका प्रधानाध्यापक तथा संस्थापक प्रमुख लक्ष्मण चौधरीको नेतृत्वमा आयोजित कार्यक्रममा शिक्षक–शिक्षिका तथा विद्यार्थीहरूको उल्लेखनीय उपस्थिति रहेको थियो।
विद्यालयमा करिब ५०० विद्यार्थी अध्ययनरत रहेको विद्यालयले जनाएको छ। बाल दिवसका अवसरमा आयोजित कार्यक्रमले बालबालिकाको प्रतिभा, सिर्जनशीलता र क्षमता प्रस्फुटन गर्न थप उत्साह प्रदान गरेको विद्यालयको भनाइ छ।
अन्तर्राष्ट्रिय बाल दिवस प्रत्येक वर्ष भदौ २९ गते मनाइने भए पनि यस वर्ष उक्त दिन बिदा परेकाले शुक्रबार नै कार्यक्रम आयोजना गरिएको प्रधानाध्यापक तथा संस्थापक प्रमुख लक्ष्मण चौधरीले जानकारी दिनुभयो।
