पुष्कर खड्का रामेछाप । रामेछापको लिखु तामाकोशी
गाउँपालिकाका एक पुरुषलाई प्रहरीले पक्राउ गरेको छ।
पक्राउ पर्नेमा रामेछापको लिखु तामाकोशी गाउँपालिका वडा नम्बर ६ खिम्तीका कृष्ण बहादुर खड्कालाई बैंकिङ कसुरको अभियोगमा पक्राउ गरेको जिल्ला प्रहरी कार्यालय रामेछापले जनाएको छ ।
जिल्ला प्रहरी कार्यालय रामेछापले दिएको जानकारी अनुसार दोलखा जिल्ला मेलुङ गा.पा.२ घर भई हाल जिल्ला रामेछाप मन्थली न.पा.१ मन्थली बस्ने सुजुकी कार्कीको जाहेरी अनुसार खड्कालाई पक्राउ गरीएको जिल्ला प्रहरी कार्यालय रामेछापका
सूचना अधिकारी प्रहरी निरीक्षक राजुप्रसाद ढकालले जानकारी दिनु भयो ।
उहाँको जानकारी अनुसार खड्का विरुद्ध परेको मुद्धामा सम्मानित उच्च अदालत पाटन ललितपुरबाट १५ साउनमा पक्रउ पूर्जि जारी भएको थियो ।
पक्राउ पूर्जि जारीभए लगतै खड्का फरार भएका थिय। फरार भएको खड्कालाई खोजतलाश गर्ने क्रममा बिषेश सुचनाको आधारमा लुकिछिपी बसिरहेको अवस्थामा मन्थली नगरपालिका १ सानिमदौबाट पक्राउ गरीएको हो ।
पक्राउ परेका खड्कालाई उच्च अदालत पाटनबाट अनुसन्धानका लागि ७ दिन थुनामा राख्न म्याद थप गरी अनुसन्धान अघी बढाइएको रामेछाप प्रहरीले जनाएको छ ।
