सिरहा, माघ १६ । सिरहा प्रहरीले लागुऔषध कारोबार गर्ने ९ जनालाई पक्राउ गरिएको छ । पक्राउ पर्नेमा नवराजपुर गाउँपालिका – २ मझौरा टोल बस्ने बर्ष २३ को ओम प्रकाश यादव, बर्ष २२ को अमित कुमार यादव, बर्ष २५ को देवराम कुमार यादव रहेको छ ।
त्यसैगरी, लहान नगरपालिका – १२ बस्ने बर्ष ५१ को मदन कुमार चौधरी, बर्ष २३ को नरसिंह चौधरी, वर्ष २७ को इरफान हुसेनलाई पनि पक्राउ गरिएको छन । त्यस्तै, लहान नगरपालिका – १ बस्ने बर्ष १९ को कृष्णा पासमान सप्तरी जिल्लाको शम्भूनाथ नगरपालिका – १२ अर्नाह बस्ने बर्ष २३ को रमेश पासमान र सोही नगरपालिका बस्ने बर्ष २२ को सुरेश कुमार पासमानसमेत रहेको छ ।
उनीहरुलाई सिरहा नवराजपुर गाउँपालिका – २ मझौरा टोलस्थित ओम प्रकाश यादवले आफ्नो घरबाट अवैध लागूऔषध बेचबिखन गरिरहेको छ भन्ने गोप्य सुचनाको आधारमा ईलाका प्रहरी कार्यालय झाँझपट्टीबाट खटिएको प्रहरी टोलीले पक्राउ गरिएका हुन ।
उनीहरुलाई कानुन बमोजिम निजको घर खानतलासी गर्दा अवैध लागूऔषध ब्राउन सुगर जस्तो देखिने सेतो पदार्थ २८ ग्राम, लागूऔषध तौल गर्ने डिजिटल मेसिन थान -१, मोबाईल थान-८, मोटरसाईकल थान – ४ र नगद रु.४ हजार ८ सय पचासी रुपियाँ समेत नियन्त्रणमा लिईएको
प्रहरीले नवलपुर टुडेलाई जानकारी दिएको छ ।
पक्राउ पर्नेहरुलाई जिल्ला अदालत सिरहाबाट लागूऔषध मुद्धामा ७ दिनको म्याद थप गरी अनुसन्धानका लागि ईलाका प्रहरी कार्यालय महेशपुरपतारमा राखिएको प्रहरीले बताए ।
