ज्ञानेश्वर साहनी/ नवलपरासी/११ चैत।पश्चिम नवलपरासीको रामग्राम नगरपालिका चैत १२ जिल्लाको दोस्रो बाल मैत्री नगर घोषणा हुन लागेको छ । बाल मैत्री राष्ट्रीय रणनीति कार्यवन कार्यविधि-२०६८ अनुसार न्यूनतम सूचक ३९ र २०७८ अनुसार ५१ सूचक पूरा गर्दै जिल्लाको दोस्रो बाल मैत्री नगर घोषणा हुन लागेको छ।
हिजो एक पत्रकार सम्मेलन गर्दै बालमैत्री स्थानीय शासनको न्यूनतम सूचक पूरा भएको तथा जिल्ला एवम् प्रदेश स्तरिय अनुगमन समेत समाप्त भएकोले घोषणा हुन लागेको हो ।
बाल मैत्री स्थानीय शासन अन्तर्गत बाल अधिकारका चार वटै अधिकारको सुनिश्चितता तथा बाल बचाऊ, बाल संरक्षण, बाल विकास ,बाल सहभागिता एवम् संस्थागतका सबै सूचक पूरा गर्नु अवधारणा अनूसार पूरा भएको छ।
नेपालको संविधान एवम् स्थानिय संचालन कार्यविधि २०७४ बमोजिम नै सबै स्थानीय तहका सबै वार्ड बाल मैत्री हुनु पर्ने मा जोड दिइएको छ ।
साेहि अनुरूप रामग्राम नगरपालिकाले बाल मैत्रीका सबाई सूचक पूरा गर्दै नगरलाई बालमैत्री नगर भोलि अर्थात चैत १२ गते घोषणा गर्न तयारी अन्तिम चरण पूरा भएकाे पत्रकार सम्मेलनमा नगर प्रमुख नरेन्द्र कुमार गुप्ताले जानकारी दिए।
बालमैत्री नगर घोषणा गर्न सबै घर दूरीमा पियुने पानी,सबै प्रकारको खोप,सबै घरमा शौचालय, गर्भवती महिलाको समय समयमा चेक जाँच, पूर्ण मात्रमा आइरन चक्की खाएको, बाल विवाह ,बालश्रममा कमी आएको, सबै बालबालिका शिक्षामा पहुँचमा पुगेको संस्थागतका सबै कार्यहरु पूरा भएको भएकाे नगर प्रमुख गुप्ताले बताए ।
बालमैत्री नगर घाेषण गर्नकाे लागि ताेकिएकाे सम्पूर्ण सुचकहरू पूरा भईसकेकाे रामग्राम नगरपालिका प्रमुख प्रशासकिय अधिकृत राकेश पाण्डे जानकारी दिए ।बालमैत्री नगर घाेषण गर्नकाे लागि ५१ वटा सुचक रहेकाेले ती सबै सुचकहरू नगरपालिकाले पूरा गरिसकेकोले अब नगरलाई बालमैत्री गराउने तयारीमा जुटेको प्रमुख प्रशासकिय अधिकृत पाण्डेले बताए ।
बालमैत्री नगर घाेषणकाे लागि मुख्यत ४ वटा क्षेत्रमा ५१ वटा सुचक पूरा भई सकेकाे र ५१ सूचकमध्ये ८० मा शतप्रतिशत उपलब्धि हासिल गर्नुपर्ने प्रवाधन रहेकाे नगरपालिका नगर शिक्षा अधिकारी रूद्रप्रसाद रेग्मीले बताए ।
उनकाे अनुसार बाल बचाउ, बालबिकास ,बाल संरक्षण र संस्थागत बिकास मुख्यतः रहेकाे यस सुचकमा कुनैमा ८० प्रतिशत ,९० प्रतिशत र कुनै सुचकमा १०० प्रतिशत त्यस्तै ६ सूचकमा ९५ प्रतिशत उपलब्धि, एउटा सूचकमा ९० प्रतिशत र ६ सूचकमा ८० प्रतिशत नतिजा प्राप्त गरी बालमैत्री नगर घोषणा गर्न सकिने छ ।
नगरपालिकामा बिद्धालय र टाेल गरी १०२ बालक्लब सक्रिय रहेका छन् ।१८ बर्ष मुनिका बालबालिकाकाे संख्या कुल नगरपालिकामा २० हजार ८ सय २६ रहेकाे छ । रामग्राम नगरपालिकाको कुल १८ वटा वडाहरूमा बाल मैत्री अभियान सफल पार्न बाल मैत्री सम्पर्क व्यक्ति, सहजकर्ता तथा बालमैत्री स्वयंसेवक परिचालन गरिएकाे छ ।
