सर्लाहीमा प्रधानाध्यापकमाथि अज्ञात समूहको गोली प्रहार, अवस्था गम्भीर

सरलाही।बरहथवा, सर्लाहीको हरिहरपुरगढी गाउँपालिका–६ स्थित बागमती नदी किनारमा अज्ञात समूहले गोली प्रहार गरी मकवानपुरको बागमती गाउँपालिका–१, बोटगाउँका प्रधानाध्यापक प्रेमबहादुर बोम्जनलाई गम्भीर घाइते बनाएको छ।

इलाका प्रहरी कार्यालय कर्मैयाका प्रहरी सहायक निरीक्षक कलमबहादुर शाहीका अनुसार, बोम्जनको गालामा गोली लागेको छ। प्रारम्भिक उपचारपछि उनलाई थप उपचारका लागि बारा अस्पताल लगिएको छ।

ADVERTISEMENT

बोम्जन रौतहटको गैयाटारस्थित आफन्तको घरबाट ना४०प ६६४६ नम्बरको मोटरसाइकलमा घर फर्किंदै थिए। उनी मकवानपुरको बकैया गाउँपालिका अन्तर्गत बुद्ध माध्यमिक विद्यालय हात्तीसुँडेमा प्रधानाध्यापक हुन्। घटनाबारे थप अनुसन्धान भइरहेको जिल्ला प्रहरी कार्यालयले जनाएको छ।

ADVERTISEMENT

ADVERTISEMENT