काठमाडौं – गण्डकी प्रदेश सभा सदस्य तथा नेपाली कांग्रेसकी नेत्री विमला गौचनको डेंगु संक्रमणबाट निधन भएको छ। ६३ वर्षीया गौचनको निधन बुधबार राति १:४५ मा काठमाडौंस्थित ग्रान्डी अस्पतालमा उपचारको क्रममा भयो।
गत शुक्रबार डेंगु संक्रमणको लक्षण देखिएपछि गौचनलाई सुरुमा ग्रिनसिटी अस्पताल पुर्याइएको थियो। उपचारपश्चात घर फर्काइएकी उनलाई अवस्था जटिल भएपछि पुनः अस्पताल लगियो र त्यहाँबाट ग्रान्डी अस्पतालमा भर्ना गरियो।
गौचन नेपाली कांग्रेसबाट समानुपातिक सांसदको रूपमा निर्वाचित भएकी थिइन्। पर्यटन व्यवसायमा समेत सक्रिय गौचनको जन्म मंसिर १८, २०१८ मा मुस्ताङको थसाङ गाउँपालिकामा भएको थियो।
ADVERTISEMENT
ADVERTISEMENT
ADVERTISEMENT
उनका एक छोरा र एक छोरी छन्। छोराको अमेरिका बसाई भएकाले दाहसंस्कारको कार्यक्रम उनी फर्किएपछि म्याग्दीमा गरिने पारिवारिक स्रोतले जनाएको छ।
