झापामा जंगली हात्तीको आक्रमणबाट एकजनाको मृत्यु

काठमाडौं ।झापाको दमक-३ मा जंगली हात्तीको आक्रमणबाट ४५ वर्षीय मिनबहादुर भण्डारीको मृत्यु भएको छ।

आज बिहान २ बजे दिपज्योती टोलमा जंगलबाट आएको हात्तीले सुबिन भट्टराईको भान्सा घर भत्काउन खोज्दा छिमेकी भण्डारीले हात्तीलाई धपाउने प्रयास गरेका थिए। हात्तीले उनलाई करिब सय मिटरसम्म लखेट्दै लछारपछार गरेपछि उचालेर पछार्दा घटनास्थलमै मृत्यु भएको प्रहरीले जनाएको छ।

ADVERTISEMENT

इलाका प्रहरी कार्यालय दमकले घटनाबारे अनुसन्धान जारी रहेको जनाएको छ।

ADVERTISEMENT

ADVERTISEMENT