लहान २ श्रावण ।सिराहा प्रहरीले भारत तर्फ तस्करीको तयारीमा राखिएको ७१६ किलो गाँजा बरामद गरेको छ। प्रहरीले संयुक्त अपरेशनमार्फत सुखीपुर नगरपालिका–४ पोखरियास्थित एक घरबाट उक्त गाँजा फेला पारेको हो।
जिल्ला प्रहरी कार्यालय सिराहाका प्रवक्ता प्रहरी नायब उपरीक्षक (डिएसपी) वीरेन्द्रकुमार पासवानका अनुसार ६० वर्षीय मेदी यादवको घरमा लुकाएर राखिएको अवस्थामा तयारी गाँजा बरामद गरिएको हो।
ADVERTISEMENT
गाँजा लुकाइएका घरका मालिक यादव भने घटनास्थलबाट फरार भएको र उनको खोजी कार्य तीव्र पारिएको डिएसपी पासवानले जानकारी दिए।
ADVERTISEMENT
ADVERTISEMENT
बरामद गाँजालाई आवश्यक अनुसन्धान र कारबाहीका लागि सम्बन्धित निकायमा बुझाइएको प्रहरीले जनाएको छ।
