लहान। प्रादेशिक अस्पताल लहानमा खुला दिशामुक्त क्षेत्रको कुनै असर परेको छैन । अस्पतालको ठीक अगाडि दिशापिसाव गरेकोले सेवाग्राही थप विरामी हुन बाध्य छ ।
अस्पताल कम्पाउन्डमा रहेको चर्पी पूर्णरुपमा बन्द गरिएको छ । चर्पीमा बोतलले भरिएको छ भने दुर्गन्धित अवस्थामा पुगेकोले त्यसक्षेत्रमा पुग्न नाकथुनु सिवाय कूनै उपाय छैन ।
पानी खाने चपाकल दुर्गन्धित बनेको छ । हप्तौदेखि अस्पतालमा प्रयोग हुने विभिन्न किसिमको स्लाइनपानीको बोतल, नालसाल, विभिन्न किसिमको फोहोर ट्रयाक्टरमा थुपारेर राखिएको छ । अस्पतालको पूर्व र उत्तरपट्टी कवाडीलगायत दुर्गन्धित फोहोर जताततै फालिएको छ ।
अस्पताल व्यवस्थापन समिति दुर्गन्धित फोहोरप्रति बेखर छ भने आर्थिक हिनामिना समेत चरम रुप लिएको छ ।
लहान नगरपालिकाका मेयर महेश चौधरीले हालै अनुगमन गर्न त्यस अस्पताल पुगेका थिए । मेयर चौधरीले यथाशिघ्र फोहोर व्यवस्थापन गर्न सल्लाह दिएको बताएका छन् ।
उता, मधेश सरकारको मातहतमा रहेको सुविधा सम्पन प्रादेशिक अस्पताल सिरहाका सेवा निकै कमजोर र विरामीलाई सास्ती खेप्न बाध्य छ । मधेश प्रदेशको सुविधा सम्पन तथा राम्रो सेवा प्रवाहका रुपमा चिनिने प्रादेशिक अस्पताल सिरहाका सेवाका अवस्था कमजोर भएको छ ।
२४ घण्टै सेवा दिईरहेको अस्पातालमा सम्बन्धी रोगका डाक्टर नभेटने र सेवा लिन आएका विरामीलाई उपचार भन्दा तनाव हुने गरेको अस्पतालका विरामीहरु बताउँछन् । रात्रिकालिन सेवा लिन आएका बिरामीलाई डाक्टर भेट मुसकिल हुने गरेको दिपेन्द्र कुमार यादबले बताए । इमेरजेन्सिमा रात्रिकालिन सेवा लिन आउने बिरामीलाई सहयोगी तथा अभ्यासका लागि आएका विधार्थीहरुले मात्र सेवा दिने भएकाले बिरामीलाई उपचार भन्दा भयत्रास मात्र हुने गरको छ । यता दैनिक सेवालिन आउने बिरामीलाई पनि सम्बन्धी विशेषज्ञ डाक्टरको सेवा लिन मुस्किल भईरहेको यादबले बताए ।
सरकारले उपलब्ध गराउने ७० प्रकारका औषधी मध्ये सिटामोल पनि बिरामीलाई दिदैन् । अस्पाताल भित्र संचालन भएका फारर्मसीमा बिरामीलाई डाक्टरले लेखेका कुनै पनि औषधी भेटदैन् ।
