लहान ६ असोज ।मादक तथा लागू पदार्थ सेवन गरी सवारी चलाउने ६ जना चालकलाई प्रहरीले नियन्त्रणमा लिएको छ।
जिल्ला ट्राफिक प्रहरी कार्यालय लहानले मंगलबार बिहान भगवानपुर चोकमा आयोजना गरेको चेकजाँचका क्रममा १६ जना सवारी चालकको मादक तथा लागू पदार्थ सेवन परीक्षण गरिएको थियो।
परीक्षणका क्रममा मादक तथा लागू पदार्थ सेवन गरेको पाइएपछि ६ जना चालकलाई नियन्त्रणमा लिइएको जिल्ला प्रहरी कार्यालय सिरहाले जनाएको छ। उनीहरूले चलाएका ६ वटा सवारीसाधन जिल्ला ट्राफिक प्रहरी कार्यालय लहानमा राखिएको छ।
चालकहरूलाई थप अनुसन्धानका लागि इलाका प्रहरी कार्यालय लहानमा लगिएको प्रहरीले जनाएको छ।
चेकजाँचमा इलाका प्रहरी कार्यालय लहानका प्रमुख प्रहरी नायब उपरीक्षक विष्णु प्रदीप बस्याल, अस्थायी प्रहरी पोस्ट भगवानपुरका प्रहरी सहायक निरीक्षकसहितको टोली तथा भगवानपुर गाउँपालिका–१ का कार्यवाहक वडाध्यक्ष इन्द्रप्रसाद यादवल गायत स्थानीय जनप्रतिनिधि र समाजसेवीहरूको सहभागिता थियो।
सडक सुरक्षा तथा सवारी दुर्घटना न्यूनीकरणका लागि प्रहरीले मादक तथा लागू पदार्थ सेवन गरी सवारी नचलाउन चालक तथा सहचालकलाई आग्रह गर्दै चेकजाँचलाई निरन्तरता दिने जनाएको छ।
