सप्तरी । सप्तरी क्षेत्र ४(क) को निर्वाचित प्रदेश सांसद गोविन्द बहादुर न्यौपानेको स्वास्थ्य अवस्था चिन्ताजनक अवस्थामा बिग्रेको छ ।
७८ वर्षीय न्यौपाने शुभकामना आदानप्रदान कार्यक्रमको लागि खडक नपा ३, बनरझूलाको मुसलीम वस्तीमा पुगेका थिए । कार्यक्रमको बिचमै एक्कासी बेहोस भएर लडेपछी उपचारको लागि लगिएको उसको निकटतम राजेन्द्र साहले जानकारी दिएका छन् ।
राजेन्द्रले आफ्नो फेसबुक समाजिक संजालमा सविस्तार लेख्दै स्वास्थ्यलाभको कामना समेत गरेका छन् । हावाले (प्रालाईसिस) भेटेर नशा सम्बन्धी समस्या भएर मष्तिकमा रगत जमेर उपचारको लागि काठमाडौं लगिएको समेत बताएका छन् ।
न्यौपाने माधवकुमार नेपाल नेतृत्वको नेकपा एकिकृत समाजवादी पार्टीको तर्फबाट चुनाव लडेका थिए । त्यो पार्टीका केन्द्रीय सदस्य तथा सप्तरी जिल्ला अध्यक्ष समेत हुन् । समानुपातिकमा सो पार्टी राष्ट्रिय पार्टी बराबरको मत जनताले नदिएपछि राष्ट्रिय पार्टी हुनबाट समेत बन्चित भएको छ ।
