काठमाडौंमा तलेजु भवानीको प्रतिमा पुनःस्थापना, देवीको दर्शनपछि शुभारम्भ

काठमाडौं। हनुमानढोकामा अवस्थित तलेजु भवानीको प्रतिमालाई विधिपूर्वक मन्दिरमा पुनःस्थापना गरिएको छ।

दरबार परिसरको मूल चोकबाट जीवित देवी कुमारीलाई दर्शन गराउन असोज शुक्ल सप्तमीको दिन तान्त्रिक विधिमा बाजागाजासहित तलेजु भवानीको प्रतिमा मन्दिरबाट मूल चोकमा ल्याइएको थियो।

ADVERTISEMENT

शुक्रबार राति १० बजेको शुभ साइतमा कुमारीलाई देवीको दर्शन गराएपछि आज तलेजु भवानीको मूर्तिलाई पुनः मन्दिरमा स्थापना गरिएको कुमारी घरका व्यवस्थापक गौतम शाक्यले जानकारी दिए।

ADVERTISEMENT

ADVERTISEMENT

उनीहरूले हरेक वर्ष विजया दशमीको दिन देवीको मूर्तिलाई शास्त्रोक्त विधिपूर्वक मन्दिरमा स्थापना गर्ने परम्परा रहेको र यसैका साथ दशैंको टीका प्रारम्भ गर्ने प्रक्रिया पनि अघि बढाउने बताएका छन्।