काठमाडौँ ।नेपाल राष्ट्र बैंकले आजका लागि विदेशी मुद्राको विनिमय दर सार्वजनिक गरेको छ, जसमा प्रमुख मुद्राहरूको विनिमय मूल्य निर्धारण गरिएको छ। अमेरिकी डलरको खरिद दर १३४ रुपैयाँ २० पैसा र बिक्री दर १३४ रुपैयाँ ८० पैसा तोकिएको छ। युरोपियन युरोको खरिद दर १४६ रुपैयाँ ६६ पैसा र बिक्री दर १४७ रुपैयाँ ३२ पैसा कायम छ भने बेलायती पाउण्डको खरिद दर १७५ रुपैयाँ १८ पैसा र बिक्री दर १७५ रुपैयाँ ९६ पैसा तोकिएको छ।
अन्य प्रमुख मुद्राहरूमा, स्वीस फ्रयाङ्क, अष्ट्रेलियन डलर, क्यानेडियन डलर, र सिङ्गापुर डलरको पनि दर तोकिएको छ। जापानी येनको खरिद दर ९ रुपैयाँ र बिक्री दर ९ रुपैयाँ ४ पैसा रहेको छ। चिनियाँ युआनको खरिद दर १८ रुपैयाँ ९९ पैसा र बिक्री दर १९ रुपैयाँ ७ पैसा तोकिएको छ।
त्यसैगरी, साउदी रियाल, कतारी रियाल, थाई भाट, युएई दिराम, मलेसियन रिङ्गेट, र साउथ कोरियन वन लगायतका मुद्राहरूको पनि विनिमय दर सार्वजनिक भएको छ।
नेपाल राष्ट्र बैंकले यो विनिमय दर आवश्यकतानुसार जुनसुकै समयमा परिमार्जन गर्न सकिने बताएको छ।
