सवारी दुर्घटनामा बुवाको मृत्यु, दुई छोरा घाइते

नेत्र दैनिक
५ मंसिर २०८१, बुधबार २२:००

उदयपुर ।उदयपुरको त्रियुगा नगरपालिका–१३ असारीस्थित दनुवारी चोकमा बुधबार साँझ ट्र्याक्टर र मोटरसाइकल एकआपसमा ठोक्किँदा मोटरसाइकल चालक महादेव चौधरी (४५) को मृत्यु भएको छ।

उनका दुई छोरा दिवाकर चौधरी (१५) र कृष्ण चौधरी (१०) घाइते भएका छन्। प्रारम्भिक उपचारपछि दुवैलाई थप उपचारका लागि विराटनगरको न्युरो अस्पताल पठाइएको प्रहरीले जनाएको छ।

दुर्घटनामा संलग्न ट्र्याक्टर र त्यसका चालकलाई प्रहरीले नियन्त्रणमा लिएको छ। घटना सम्बन्धमा अनुसन्धान भइरहेको जिल्ला प्रहरी कार्यालय उदयपुरका प्रहरी निरीक्षक सन्तोष कार्कीले जानकारी दिए।