रौतहटको परोहा नगरपालिका वडा नम्बर ९, रामपुर खापमा रहेको छोटी भन्सार पुनः सञ्चालनको माग गर्दै स्थानीयहरूले शान्तिपूर्ण विरोध प्रदर्शन गरेका छन्। स्थानीयको अनुसार, भन्सार पुनः सञ्चालनले सिमावर्ती क्षेत्रमा व्यापार, आवागमन र दैनिक जीवन सहज हुनेछ।
विरोध प्रदर्शनका क्रममा भन्सार बन्दले स्थानीय नागरिकको आर्थिक र सामाजिक गतिविधिमा परेको असरबारे चर्चा गरिएको छ। यस क्षेत्रका बासिन्दाले भन्सार पुनः सञ्चालन गर्न ठोस कदम चाल्न माग गरेका छन्।
ADVERTISEMENT
स्थानीय नेताहरूले भन्सार बन्दको कारणले सीमावर्ती क्षेत्रका नागरिकको व्यापारिक सम्बन्ध र सामाजिक एकता खल्बलिएको भन्दै चाँडोभन्दा चाँडो समस्या समाधानको अपेक्षा गरेका छन्।
ADVERTISEMENT
ADVERTISEMENT
आन्दोलन शान्तिपूर्ण ढंगले जारी रहने जनाएको छ। यसै क्रममा पुस ७ गते जिल्ला प्रशासन कार्यालयमा ज्ञापन पत्र बुझाउने कार्यक्रम तय गरिएको छ।
