इसत्याक अहमद काठमाडाैँ, ९ पुस ।साउदी अबर दूतावास र मुस्लिम आयाेगकाे संयुक्त आयाेजनामा साेल्टी हाेटलमा दाेस्राे राष्ट्रव्यापी कुरआन रिसाइटेशन कम्पिटिशनमा उत्कृष्ट हुने विभिन्न उमेर समूहका १८ जना विजेताहरूलाई नगद पुरस्कार प्रदान गरिएकाे छ । तीन सय डलरदेखि तीन हजार डलरसम्मकाे नगद राशिका पुरस्कारहरू काेशी, मधेश, लुम्बिनी, बाग्मती र गण्डकीका बालबालिकाहरूले प्राप्त गरेका छन् । पुरस्कार वितरणकाे याे रकम रू. पचास लाखभन्दा अधिक रहेकाे थियाे । प्रतियाेगितामा देशभरका विभिन्न मद्रसाहरूमा अध्ययनरत् दुई सयभन्दा बढी मुस्लिम विद्यार्थीले प्रतिस्पर्धा गरेका थिए ।
गत वर्षदेखि साउदी अरब सरकारकाे कुरआन प्रकाशन र संरक्षण सम्बन्धी मामिला हेर्ने निकायले काठमाण्डूस्थित साउदी दूतावासमार्फत् मुस्लिम आयाेगकाे समन्वयमा नेपालभरिका हिफ्जका विद्यार्थीहरूबीच याे प्रतियाेगिता आयाेजना गरेकाे हाे ।
आजकाे कार्यक्रममा साउदी सरकारका एकजना सचिवकाे उपस्थितिमा पुरस्कार वितरण कार्यक्रम सम्पन्न भएकाे थियाे । कार्यक्रममा मुख्य अतिथि रहेका सभामुख देवराज घिमिरे, मुस्लिम आयाेगका अध्यक्ष शमीम मियाँ अन्सारी, नेपालका लागि साउदीका राजदूतले विजेता बालबालिकाहरूलाई नगद पुरस्कार प्रदान गरेका थिए ।
कार्यक्रममा देशभरका ओलमा,एकराम नेता तथा युवा बुद्धिजीवीहरूकाे उपस्थिति रहेको थियाे ।
