काठमाडौँ:रुपन्देही जिल्ला अदालतमा सुप्रिम बचत तथा ऋण सहकारी ठगी प्रकरणमा पूर्वगृहमन्त्री रवि लामिछानेविरुद्ध बिहीबार सरकारी वकिलहरूले ४ घण्टा लामो बहस गरेका छन्। सरकारी वकिल कार्यालयले लामिछानेसहित २२ जनाविरुद्ध ठगी र संगठित अपराधमा मुद्दा दायर गरेको हो।
ADVERTISEMENT
सरकारी वकिलहरूले रविले सहकारीको रकम योजनाबद्ध रूपमा प्रयोग गरेको र बैंकमार्फत अन्यत्र स्थानान्तरण गरेको जिकिर गरे। सरकारी वकिल प्रेमराज पौडेलले बिना जमानी र बिना धितो सहकारीको पैसा ट्रान्सफर गर्ने र खर्च गर्ने काम रविबाट भएको दाबी गरे।
यसअघि पोखरा र काठमाडौंका सहकारी ठगी प्रकरणमा रविले धरौटी बुझाएर छुटेका थिए। सहकारी पीडित र अभियुक्त पक्षका कानुन व्यवसायीहरूबीच शुक्रबार बहस हुने छ। मुद्दाको फैसलामा सहकारीका ५५ करोड बिगो, रविलाई २ करोड व्यक्तिगत बिगो दाबी गरिएको छ।
ADVERTISEMENT
ADVERTISEMENT
