काठमाडौँ:राष्ट्रिय गौरवको आयोजना सिद्धबाबा सुरुङमार्गको मुख्य खण्डमा सुरुङ छिचोल्ने (‘ब्रेक थ्रु’) काम सम्पन्न भएको छ। शुक्रबार प्रधानमन्त्री केपी शर्मा ओलीले भर्चुअल प्रविधिबाट सुरुङको ब्रेक थ्रु गरे।
सुरुङमार्गले बुटवल–तानसेन सडकखण्ड अन्तर्गत १.१२६ किमी लामो सुरुङ निर्माण सम्पन्न गरेको हो। यो आयोजना २०८३ सालसम्म सम्पन्न गर्ने लक्ष्यसहित चीनको कम्पनीद्वारा रु ७ अर्ब ३४ करोडको लागतमा निर्माण भइरहेको छ।
सुरुङमार्गले पाल्पा, रुपन्देही, स्याङ्जा लगायतका पहाडी जिल्लामा यातायात सहज बनाउनेछ। तीन वटा बाइपाससहितको सुरुङमार्गलाई सुरक्षित बनाउन अत्याधुनिक प्रविधि प्रयोग गरिएको छ। हाल परियोजनामा १५० जना नेपाली र चिनियाँ कामदार खटिएका छन्।
प्रधानमन्त्री ओलीले सुरुङमार्गलाई ऐतिहासिक उपलब्धि भन्दै देशको विकास र समृद्धितर्फको नयाँ आयामको रुपमा स्वागत गरेका छन्।
