सगरमाथा आँखा अस्पतालमा महिला हिंसाको घटना बर्सौ बर्ष देखि दबाएको घटना सार्बजनिक
महेश सिंह लहान,-सिराहा जिल्लाको लहानस्थित सगरमाथा चौधरी आँखा अस्पताल भित्र शनिबार एउटा अप्रत्याशित घटना भयो। अस्पतालकै कान, नाक विभागमा कार्यरत स्वास्थयकर्मी सीमा मेहता बैठकमै अचेत भई ढलिन्।
बैठकमा सहभागी चिकित्सक तथा कर्मचारीहरूले उनलाई तत्काल व्हीलचेयर मा राखेर लिफ्ट हुँदै बाहिर निकाले। उनलाई लहानस्थित प्रादेशिक अस्पतालको आकस्मिक कक्ष मा पुर्याइयो, जहाँ अहिले अक्सिजनको सहायतामा उनको उपचार भइरहेको छ।
स्वास्थयकर्मी सीमाका श्रीमान् दीपेन्द्र सिंह भन्छन् – “अस्पतालमै कार्यरत डा. विजय चौधरीले सीमा माथि पटक–पटक मानसिक यातना दिए। प्रशासनलाई धेरैपटक मौखिक तथा लिखित रूपमा गुनासो गर्यौं, तर कुनै कारबाही भएन। यसकै कारण मेरी श्रीमती डिप्रेसनको शिकार भइन्।”
अस्पतालमा सीमा न्यायको खोजीमा रहँदै आएकी थिइन्। तर प्रशासनले गुनासो सुने पनि बेवास्ता गरेको सीमाका परिवारजनको आरोप छ।
शनिबार अस्पतालको माथिल्लो तलामा स्थानिय समाजसेवी, बुद्धिजीवी तथा अस्पताल सञ्चालक समिति का पदाधिकारीहरूबीच छलफल भइरहेकै बेला डा. सीमा अचानक कुर्सीबाट ढलिन्। केहीबेर उनी बैठक कक्षकै टेबलमा अचेत अवस्थामा रहिन्।
नेपाल नेत्र ज्योति संघ सिरहाका अध्यक्ष सन्तोष चौधरी भन्छन् – “अहिले यस विषयमा केही भन्न सकिन्न, अन्तिम निष्कर्षपछि मात्रै जानकारी दिइनेछ।”
सीमाको परिवारजनका अनुसार अस्पताल प्रशासन प्रमुख अभिषेक रोशन लाई बारम्बार जानकारी गराइएको थियो। तर, अहिलेसम्म प्रशासनले कुनै ठोस निर्णय गरेको छैन।
नेपाल र भारतमा समेत प्रख्यात सगरमाथा चौधरी आँखा अस्पताल मा महिला कर्मचारीमाथि हुने दुव्र्यवहार र मानसिक यातनाका घटनाहरू बाहिर आउनुले अस्पतालको साखमाथि गम्भीर प्रश्न खडा भएको छ।
डा. विजय चौधरीले सीमामाथि कस्तो व्यवहार गरे? उनले कस्तो मानसिक तनाव दिए? किन अस्पताल प्रशासनले मौनता साध्यो? यी प्रश्नहरूको उत्तर दिन अस्पताल नेतृत्व अझै मौन छ। तर, पीडितको परिवार भने न्याय खोज्दै छ।अस्पताल प्रशासनले घटनाको निष्पक्ष छानबिन गर्दै सत्यतथ्य बाहिर ल्याउने कि ढाकछोप गर्ने? अब सबैको ध्यान यतैतिर छ।
