महेश सिंह लहान – “शिक्षा नै सशक्तिकरणको मूल आधार” भन्ने मूल मन्त्रका साथ लायन्स क्लब अफ लहान फुलबारीले नरहा गाउँपालिका–३ स्थित श्री आधारभूत विद्यालय, खोरिया बतराहीमा शैक्षिक सामग्री वितरण कार्यक्रम सम्पन्न गरेको छ।
क्लबका अध्यक्ष ला. शंकर प्रसाद गुप्ताको अध्यक्षतामा सम्पन्न उक्त कार्यक्रममा विद्यालय व्यवस्थापन समितिका अध्यक्ष श्री भरोसी यादव प्रमुख अतिथिका रूपमा सहभागी भए। कार्यक्रममा विशिष्ट आतिथ्य क्लबका चार्टर प्रेसिडेन्ट ला. राकेश झाले ग्रहण गरे भने प्रमुख सौजन्य समाजसेवी रामउदगार यादव रहनुभयो।
कार्यक्रममा क्लब प्रेसिडेन्ट (Elect) ला. काशिन्द्र प्रसाद यादव, डा. रितेश गिरी (फुलबारी क्लिनिक), डा. मिथिलेश कुमार सिंह (पञ्चाङ आयुर्वेद), ला. विजय कुमार यादव (एल.आर.एल. ल्याब), पत्रकार महेश सिंह लगायत स्थानीय समाजसेवी र अभिभावकहरूको उल्लेखनीय उपस्थिति रहेको थियो।
शैक्षिक सामग्री प्राप्त गर्दै बालबालिकाहरूको अनुहारमा देखिएको उत्साह र खुशीले कार्यक्रममा भावनात्मक र सामाजिक महत्त्व थपेको थियो।
कार्यक्रमको समापनमा आयोजक संस्थाले शिक्षा र सेवाको यात्रामा साथ दिने सबैलाई धन्यवाद ज्ञापन गर्दै आगामी दिनमा अझ प्रभावकारी कार्यहरू गरिने प्रतिबद्धता व्यक्त गर्यो।
