मोरङ– नेपाली कांग्रेस मोरङका युवा नेता अभिषेक गिरी पक्राउ परेका छन्।
जिल्ला प्रहरी कार्यालय मोरङका अनुसार गिरीलाई शनिबार बिहान विराटनगर- ८ स्थित घरबाटै पक्राउ गरिएको हो।
मोरङ प्रहरी प्रमुख प्रहरी उपरीक्षक कवित कटवालका अनुसार पक्राउ परेका गिरीलाई जिल्ला प्रहरी कार्यालयमा राखिएको छ। प्रहरी प्रमुख कटवालले विराटनगरस्थित जिल्ला कारागार मोरङमा रहेका कैदीबन्दीको भत्ता रकम हिनामिना गरेको आरोपमा गिरीलाई पक्राउ गरिएको बताए।
nimb
Ncell 2
पछिल्लो समय कारागारमा रहेका बन्दीहरूले पाउनुपर्ने रकम हिनामिना हुँदै आएको सूचनाका आधारमा गिरीलाई पक्राउ गरिएको प्रहरी उपरीक्षक कटवालले बताए। उनका अनुसार गिरीको घरसमेत खानतलासी गरिएको थियो। यद्यपि, घरमा कुनै हातहतियार फेला परेन।
हाल जिल्ला प्रहरी कार्यालय मोरङको कार्यालय परिसरमा राखिएका गिरीमाथि थप अनुसन्धान जारी रहेको उनले बताए। गिरी यसअघि कारागारमा चौकीदार रहेका थिए। कैद भुक्तान गरी रिहा भए पनि उनीमाथि कारागारसँग सम्बन्धित आरोप लाग्दै आएको थियो।
गिरीले राजनीतिक परिवर्तनसँगै आफूलाई फसाउन खोजिएको बताएका छन्। उनले भने, “हिजो सामाजिक सञ्जालमा मलाई बदनाम गराउन प्रपञ्च रचिएको थियो। त्यसकै आधारमा प्रहरीले पक्राउ गरेको हो। त्यसविरुद्ध साइबर मुद्दा दायर गरेको छु। पक्राउका क्रममा प्रहरीले हातहतियार खोजेको थियो, तर केही भेटिएन।”
गिरी फागुन २१ गते भएको निर्वाचनमा मोरङ क्षेत्र नम्बर ४ का उम्मेदवार गुरुराज घिमिरेको चुनावी अभियानका क्रममा युवा परिचालन समितिका संयोजक रहेका थिए।
पक्राउ परेका गिरीले आफूलाई राजनीतिक प्रतिशोध साँध्न पक्राउ गरिएको बताएका छन्
