जनकपुर ।स्थानिय तहकाे चुनावमा पार्टीमा रहेर अन्तरघात गरेकाे भन्दै जनता समाजवादी पार्टी (जसपा) ले एक प्रदेश सांसदलाई पार्टीबाट निष्काशन गरेको छ ।
महोत्तरी क्षेत्र नंं ४ (ख) बाट प्रत्यक्ष निर्वाचित प्रदेशसभा सदस्य कौशल कुमार यादवलाई जसपाले सदस्य समेत नगरहने गरी पार्टीबाट निकालेको हो ।साधारण
आईतबार बसेको जसपा महोत्तरी जिल्ला कार्यसम्पादन समिति बैठकले उनलाई पार्टीको साधारण सदस्य समेत नरहनेगरी निष्काशन गरेको जिल्ला अध्यक्ष रामप्रकाश यादवले जारी गरेको प्रेस विज्ञप्तीमा उल्लेख छ ।
उनले एक विज्ञप्ती जारी गर्दै सांसद यादवसंगै संघीय शिक्षक फोरमका अध्यक्ष कौशल कुमार यादवलाई पनि पार्टीबाट निष्काशन गरिएको जनाएका छन् ।
सांसद यादव संविधानसभा सदस्य समेत हुन् । उनी २०६४ को संविधानसभा निर्वाचनमा प्रत्यक्ष निर्वाचित भएका थिए ।
यता सांसद यादवले आफूलाई एकाएक निष्काशन गरेको विषयमा समाजिक सञ्जलबाटै जानकारी भएको बताए ।
उनले आफ्नो राजनीतिक यात्रा जारी रहने बताउँदै अगामी यात्राका लागि थुप्रै पार्टीबाट अफर आइरहेको बताए । यधपी के गर्ने विषयमा चाँडै निर्णय लिने उनले बताए ।
