रौतहट, साउन २ । सशस्त्र प्रहरीले रौतहटबाट २ क्विन्टल लागुऔषध गाँजा सहित एक भारतीय नम्बर प्लेटको स्कार्पियो बरामद गरेको छ । सशस्त्र प्रहरी बेस क्याम्प फतुवाबाट इन्स्पेक्टर विनय श्रेष्ठको कमान्डमा खटिएको टोलीले राजपुर नगरपालिका – ६ कुडिया चौकबाट गाडी सहित २ क्विन्टल लागुऔषध गाँजा बरामद गरेको हो ।
आँपको बगैँचामा लुकाई पार्किङ गरी राखेको डिएल ४ सिएनबी ६२२९ नम्बरको स्कोर्पियोबाट गाँजाको १३ वटा पोका बरामद गरी टोलीले नियन्त्रणमा लिएको सशस्त्र प्रहरी मधेस प्रदेश प्रमुख डीआईजी गणेश ठाडा मगरले बताए । उनका अनुसार प्रति पोका १४ केजी ८ सय ग्रामको दरले कुल १ सय ९२ केजी ४०० सय ग्राम गाँजा रहेको थियो ।
ADVERTISEMENT
बरामद गाँजा सहितको गाडी कसको हो भन्नेबारे हालसम्म नखुलेको र आवश्यक अनुसन्धान लागि जिल्ला प्रहरी कार्यालय रौतहटमा बुझाइएको सशस्त्र प्रहरीले जनाएको छ ।
ADVERTISEMENT
ADVERTISEMENT
