नारायणगढको पुल्चोकमा भारतीय ट्याङकरको ठक्करबाट पैदलयात्रीको मृत्यु

चितवन। नारायणगढको पुल्चोकमा ट्याङकरको ठक्करबाट पैदलयात्रीको मृत्यु भएको छ । पुल्चोकबाट गैडाकोटतर्फ जाँदै गरेको भारतीय नम्बर प्लेटको ट्याङकरले नारायणगढ बजार क्षेत्रमा माग्दै हिड्ने एक महिलालाई आज दिउसो १ बजे ठक्कर दिँदा घटनास्थलमै मृत्यु भएको हो ।

मृतकको परिचय खुलेको छैन । शव पोष्टमार्टमका लागि भरतपुर अस्पतालमा राखिएको छ । ठक्कर दिने ट्याङकर र ट्याङकर चालकलाई प्रहरीले नियन्त्रणमा लिएको छ ।