रुरु धार्मिक सेवा सञ्चार प्राइभेट लिमिटेड र कालीगण्डकी पोस्ट डटकमले आउदो श्रावण २५ गतेदेखि दोस्रो रुरु कालीगण्डकी अन्लाईन तिज नृत्य प्रतियोगिताको शुभारम्भ गर्ने भएको छ ।
रुरु क्षेत्र धाममा प्रधान कार्यालय राखेर विभिन्न कार्यक्रम गर्दै आएको प्रालिले यस बर्ष पनि बिगतका बर्षहरुमा जस्तै सामाजिक सन्जालबाट खुल्ला तिज नृत्य प्रतियोगिता गर्ने प्रालिका अध्यक्ष चुरामणि तिमिल्सिनाले बताए । तिमिल्सिनाले गाउँमा लुकेका प्रतिभाहरुलाई सामाजिक सन्जालबाट प्रचारप्रसार गर्न र नयाँ-नयाँ खोजी प्रतिभाको बिकास कला सस्कृतीको संरक्षण, मौलिक प्रतिभालाई स्थान दिन बिगतका दिनमा गरिएको कार्यक्रमले निकै नै सफलता प्राप्त गरेकोले बिगतका बर्ष जस्तै यस बर्ष पनि यो कार्यक्रमको आयोजना गर्न लागीएको बताए ।
महिलाहरुको महान पर्व हरितालिका तिजको अवसर पारेर आउदो २५ गते कार्यक्रमको उद्घाटन गरि भाद्र ९ सम्म कार्यक्रम सन्चालन गरिने र तिजकै आसपासमा नतिजा प्रकाशन प्रसारण पनि गरिने कालीगण्डकी पोस्टका सम्पदाक यम सोमैले जानकारी दिए । अनलाईन तिज कार्यक्रममा सहभागी सबैलाई प्रमाणपत्र समेत वितरण गरिने र विभिन्न बिधाका पुरस्कारहरु राखी कार्यक्रमलाई अझ प्रभावकारी रुपमा संचालन गरिने मौलिक प्रतिभालाई मध्य नजर गरि विशेष पुरस्कर प्रदान गरिने, नतिजाका आधारहरु पनि केही दिनमा सार्वजनिक गरिने रुरु सञ्चार अनलाइन खबरका सम्पादक बिष्णु प्रसाद पाण्डेले जानकारी दिए ।
