काठमाडौँ ।प्रधानमन्त्री केपी शर्मा ओलीले जलवायु न्यायबारे विश्व नेताहरूको ध्यानाकर्षण गराएका छन्। बालुवाटारमा भएको भेटमा उनले नेपालले कार्बन उत्सर्जन नगरे पनि जलवायु परिवर्तनको असर भोगिरहेको भन्दै क्षतिपूर्ति पाउनुपर्नेमा जोड दिए। प्रधानमन्त्री ओलीले नेपालका हिमालहरूको संरक्षणको आवश्यकता औँल्याउँदै, समुद्रको तापक्रम वृद्धि हुने खतराबारे पनि विश्व समुदायलाई सचेत गराएको बताए।
यस अवसरमा न्युयोर्क टाइम्स र नेपाल रिपब्लिक मिडियाबीचको डिजिटल सहकार्यबारे पनि जानकारी गराइयो। उक्त सहकार्यले डिजिटल पे–वालको माध्यमबाट प्रिमियम सामग्री उपलब्ध गराउनेछ। छलफलमा जलवायु परिवर्तन, शैक्षिक सुधार, र आर्थिक विकासमा सञ्चार क्षेत्रको भूमिका पनि मुख्य विषय बन्यो।
प्रधानमन्त्री ओलीले सञ्चार माध्यमले सही सूचना सम्प्रेषण गरी जनतालाई सुसूचित गर्ने महत्त्वमा जोड दिँदै, प्रेस स्वतन्त्रता र महिलाको ३३ प्रतिशत सहभागिताको संवैधानिक सुनिश्चितता पनि स्मरण गराए।
