काठमाडौं।ललितपुरको सातदोबाटो चोक नजिक शनिवार अपराह्न यात्रुवाहक बसमा अचानक आगलागी भएको छ। ललितपुर महानगरपालिका–१५ मा रहेको बस पकेटमा रोकीएको बा ४ ख १०६ नम्बरको महानगर यातायातको बसमा विद्युत सर्ट हुँदा आगलागी भएको हो।
जिल्ला प्रहरी कार्यालय ललितपुरका प्रहरी प्रमुख नवरत्न पौडेलले विद्युत सर्टकै कारण बसमा आगलागी भएको पुष्टि गरेका छन्। बसमा आगो लागेको खबर पाएपछि तत्कालै प्रहरी र ललितपुर महानगरपालिकाको दमकल घटनास्थलमा खटाइएको थियो।
ADVERTISEMENT
दमकलको सहयोगमा आगो नियन्त्रणमा लिन सफल भएको र कुनै मानविय क्षति नभएको प्रहरीले जनाएको छ। ललितपुर महानगरपालिकाको दुई वटा दमकलले साँझ ५ बजे आगो पूर्ण रूपमा निभाएको हो।
ADVERTISEMENT
ADVERTISEMENT
