लहन।सिरहाको लहान नगरपालिका वडा नं १ को मटियारवा मुसहर टोलका बालबालिका गम्भीर आर्थिक कठिनाइका कारण विद्यालय जान पाएका छैनन्। जीवनयापनको बाध्यताले उनीहरू दिनभरि खाता र नालामा माछा खोज्दै हिंड्नुपर्ने स्थिति छ। दिपेन सदाका छोरा रितेश भन्छन्, “हामीलाई न खान पुग्छ, न पढ्न कापी-किताब। माछा मारेर साँझको खाना जुटाउनुपर्ने बाध्यता छ।”
नेपाल सरकारले सामुदायिक विद्यालयमा निःशुल्क शिक्षा, खाजा, र किताबको व्यवस्था गरे पनि यी सुविधाहरू मुसहर समुदायसम्म प्रभावकारी रूपमा नपुग्दा अधिकांश बालबालिका विद्यालय बाहिर छन्। स्थानीय विद्यालयमा विद्यार्थीको संख्या न्यून हुँदा सरकारी योजना व्यवहारमा कति प्रभावकारी छन् भन्ने प्रश्न उठेको छ। शिक्षा पाउने उमेरमै जीवन संघर्षमा रुमलिन बाध्य यी बालबालिका दीर्घकालीन रूपमा मुसहर समुदायलाई थप पछाडि धकेल्ने जोखिममा छन्।
ADVERTISEMENT
ADVERTISEMENT
ADVERTISEMENT
