“रवि लामिछानेका समर्थकले निषेधित क्षेत्र तोड्न खोजेपछि पोखरामा अश्रुग्यास प्रहार”

पोखरा – राष्ट्रिय स्वतन्त्र पार्टीका सभापति रवि लामिछानेको गिरफ्तारीको विरोधमा पोखरामा भएको प्रदर्शनमा अश्रुग्यास प्रहार गरिएको छ। पोखराको जिरो किलोमिटरमा रहेको पार्टी कार्यालयबाट निस्केको विरोध र्‍यालीले सृजनाचोक हुँदै वाइचोकसम्म पुगेर नाराबाजी गरेको थियो। निषेधित क्षेत्रमा प्रवेश गर्न खोजेपछि प्रहरीले प्रदर्शनकारीमाथि ४ सेल अश्रुग्यास प्रहार गरेको कास्की प्रशासनले जनाएको छ।

कास्की जिल्ला प्रशासन कार्यालयले शहीदचोक र आसपासको क्षेत्रमा कात्तिक ४ गतेदेखि निषेधाज्ञा लागू गरेको छ, जसअन्तर्गत वाइचोक, फिस्टेल गेट, मालपोत कार्यालय, मुस्ताङ चोक तथा गैह्रापाटनका क्षेत्र समेटिएका छन्।

ADVERTISEMENT

ADVERTISEMENT

ADVERTISEMENT