सिरहा – सिरहाको दुई फरक स्थानमा भएका मोटरसाइकल दुर्घटनामा दुईजनाको ज्यान गएको छ भने तीनजना गम्भीर घाइते भएका छन्।
मृतकहरूमा सिरहा नगरपालिका–२२ हकपाराका करिब ४५ वर्षीय महेश कुमार यादव र अर्नामा–३ बंगठियाका २७ वर्षीय उपेन्द्र दास रहेका छन्।
ADVERTISEMENT
दुर्घटनामा महेशकी पत्नी सावित्री यादव, अर्नामाका रबिन्द्र कुमार पासमान र सन्तोष कुमार महरा गम्भीर घाइते भएका छन्। प्रारम्भिक उपचारपछि उनीहरूलाई थप उपचारका लागि विराटनगर पठाइएको जिल्ला प्रहरी कार्यालय सिरहाले जनाएको छ।
ADVERTISEMENT
ADVERTISEMENT
प्रहरीका अनुसार, दुवै दुर्घटनाको कारण तीव्र गतिका साथै असावधानीपूर्ण सवारी हुनसक्ने आशंका गरिएको छ। घटनाबारे थप अनुसन्धान भइरहेको जनाइएको छ।
