काठमाडौं।विवादास्पद मेडिकल व्यवसायी दुर्गा प्रसाईंलाई मंगलबार बिहान भक्तपुरस्थित निवासबाट प्रहरीले पक्राउ गरी स्वास्थ्य परीक्षणका लागि वीर अस्पताल पुर्याएको छ।
लिखतसम्बन्धी कर्तव्य र साइबर अपराधको आरोपमा अनुसन्धान अघि बढाउन प्रहरीले उनलाई पक्राउ गरेको हो। स्वास्थ्य परीक्षणपछि हिरासतमा राख्ने अनुमति लिन अदालतमा पेस गरिने तयारी भइरहेको छ।
दुई महिनाभित्र यो दोस्रो पटक फौजदारी अनुसन्धानमा तानिएका प्रसाईं यसअघि असोज ६ गते साइबर अपराधकै आरोपमा पक्राउ परेका थिए। सो घटनामा उनी १ लाख रुपैयाँ धरौटीमा छुटेका थिए, भने मुद्दा हाल काठमाडौं जिल्ला अदालतमा विचाराधीन छ।
ADVERTISEMENT
ADVERTISEMENT
ADVERTISEMENT
यस पटक प्रहरीको केन्द्रीय अनुसन्धान ब्यूरो (सीआईबी)ले लिखत कर्तव्य र विद्युतीय कारोबारसम्बन्धी अपराधका कानुनी प्रक्रिया अघि बढाउने तयारी गरिरहेको छ।
