दैलेख — कालिकोटबाट टीकापुरतर्फ जाँदै गरेको ना ४ ख ६०५६ नम्बरको बस शुक्रबार दिउँसो दैलेखको आठबीस नगरपालिका–३ सिस्नेमा दुर्घटनाग्रस्त भएको छ। बसमा ३२ यात्रु सवार थिए।
जिल्ला प्रहरी कार्यालय दैलेखका अनुसार दुर्घटनामा १७ जना यात्रु घाइते भएका छन्। तीमध्ये ८ जनालाई गम्भीर चोट लागेकाले उद्धार गरी नजिकैको शांगेतडा अस्पतालमा उपचारका लागि लगिएको छ भने ९ जना सामान्य घाइते भएका छन्।
प्रहरी निरीक्षक लालबहादुर सुनारले प्रारम्भिक अनुसन्धानका आधारमा बसको ब्रेक फेल भएको कारणले दुर्घटना भएको जानकारी दिएका छन्। बस सडकको भित्तामा ठोकिएको थियो।
ADVERTISEMENT
ADVERTISEMENT
ADVERTISEMENT
घटनास्थलमा प्रहरी टोलीले उद्धार कार्य जारी राखेको छ भने दुर्घटनाबारे थप विवरण आउन बाँकी रहेको प्रहरीले जनाएको छ।
