काठमाडौं :नेपाल आयल निगमले पेट्रोल र हवाई इन्धनको मूल्यमा सानो वृद्धि गरेको छ। निगमले आज राति १२ बजेदेखि लागू हुने गरी पेट्रोलमा प्रति लिटर १ रुपैयाँ र आन्तरिक हवाई इन्धनमा प्रति लिटर २ रुपैयाँ थप गरेको छ।
अब पेट्रोलको नयाँ मूल्य काठमाडौं, पोखरा र दिपायलमा १६० रुपैयाँ, सुर्खेत र दाङमा १५९ रुपैयाँ, र अन्य क्षेत्रमा १५७.५० रुपैयाँ हुनेछ।
अन्तर्राष्ट्रिय उडानका लागि हवाई इन्धनको मूल्य काठमाडौंमा प्रति किलोलिटर १५ डलर, पोखरामा ३४ डलर, र भैरहवामा ३३ डलरले वृद्धि गरिएको छ। नयाँ दरअनुसार अन्तर्राष्ट्रिय हवाई इन्धनको मूल्य क्रमशः काठमाडौंमा ९७५ डलर, पोखरामा ८१८ डलर, र भैरहवामा ८०२ डलर हुनेछ।
ADVERTISEMENT
ADVERTISEMENT
ADVERTISEMENT
यो सानो मूल्यवृद्धिले सामान्य उपभोक्ता र उडान सेवामा थोरै मात्र प्रभाव पार्ने देखिन्छ।
