ताप्लेजुङ, १७ मंसिर – नेकपा एमालेकी कुमारी सावादेन सिरिजङ्गा गाउँपालिका वडा नं ३ सिकैचाको वडाध्यक्षमा निर्वाचित भएकी छन्। उनले माओवादी केन्द्रका अम्बि साउदेनलाई १०२ मतले पराजित गर्दै जित हासिल गरिन्। सावादेनले ३५३ मत प्राप्त गरेकी थिइन् भने उनका निकटतम प्रतिस्पर्धी अम्बिले २५१ मत पाए।
नेपाली कांग्रेसका भिम लक्समले २१८ मत ल्याएका थिए। १,५२८ मतदातामध्ये ८८९ मत खसेको थियो।
२०७९ को निर्वाचनमा सावादेन नेपाली कांग्रेसका दिलप्रसाद बोखिमसँग ४ मतले पराजित भएकी थिइन्। तर, बोखिम रोजगारीका लागि हङकङ गएपछि यहाँ उपनिर्वाचन भएको हो।
उपनिर्वाचनमा कांग्रेसका लक्सम्बा लिम्बू, एमालेकी कुमारी सावादेन, माओवादी केन्द्रका अम्बि साउदेन, राष्ट्रिय स्वतन्त्र पार्टीका देवीप्रसाद पौडेल, र संघीय लोकतान्त्रिक राष्ट्रिय मञ्चका राजेन्द्र काङ्वा लिम्बू प्रतिस्पर्धामा थिए। राजेन्द्रले ५४ मत र देवीले ७ मत प्राप्त गरे। ९ मत बदर भएको थियो।
ताप्लेजुङ जिल्लाका ६१ वडामध्ये सावादेन एकमात्र महिला वडाध्यक्ष हुन्। अन्य ६० वडामा सबै वडाध्यक्ष पुरुष छन्।अनलाइनखबर,
